ဘဏ်အ​ပေါင်မှု့နှင့်ကာလစည်းကမ်းသတ်ပြဿနာ

 အ​ပေါင်မှု့နှင့်ကာလစည်းကမ်းသတ်ပြဿနာ 

ယခုကာလတွင်ဘဏ်မှ​ငွေ​ချေးထားသူအ​တော်များများသည် ​ချေး​ငွေကာလ​ကျော်လွန်သွား​သော်လည်းဘဏ်​ချေး​ငွေများကိုပြန်လည်​ပေးဆပ်နိုင်ခြင်းမရှိသကဲ့သို့အချို့​ငွေ​ချေးသူများသည်အတိုးပင်မှန်မှန်မဆပ်နိုင်ကြသဖြင့် အ​ပေါင်​ချေး​ငွေရလို့များစွဲ​နေကြရသည်ကို​တွေ့​နေရပါသည် ။ တရားရုံးများတွင်လည်းဘဏ်အမှု့များအ​တော်ပင်များ​နေပါသည် ။ ဘဏ်​ရှေ့​နေများအမှု့ရကြသဖြင့်​ကောင်းလှ​ပေ၏ ။

ဘဏ်အမှု့များစွဲဆိုရန်နှင့်စပ်လျဥ်း၍ ကာလစည်းကမ်းသတ်ကာလဘယ်​လောက်လဲဆိုတာကိုလည်း အ​တော်​မေးကြသည် ။ ဖုန်းဖြင့် မက်ဆင်ဂျာဖြင့် ဗိုက်ဘာဖြင့်အဆင်​ပြေသလို​မေးလာကြသည် ။

ထိုသို့​မေးလာသူအများစုမှာ ဘဏ်​ပေါင်​ချေး​ငွေနှင့်ပတ်သတ်၍ ကာလစည်းကမ်းသတ်ကာလကို ၃နှစ်ဟူ၍သာသိ​နေကြသည်ကိုသတိပြုမိပါသည် ။ ထိုသို့ ကာလစည်းကမ်းသတ်ကာလ ၃ နှစ်ဟုထင်မှတ်မှား​နေသည်မှာလည်း​ချေး​ငွေရလိုမှု့ကို ၃ နှစ်အတွင်းစွဲရမည်ဆိုသည်ကိုစိတ်တွင်စွဲ​နေကြ​သော​ကြောင့် ဘဏ်က​ငွေ​ချေးတာလည်းကာလစည်းကမ်းသတ် ၃ နှစ်ဟူ၍ပင်မှတ်ထင်​နေကြသည် ။ 

အဓိက က ​ငွေ​ချေးခြင်း အမျိုးအစားမတူညီသည်ကိုအမှတ်မဲ့ဖြစ်​နေခြင်းဖြစ်သည် ။ ဘဏ်က​ငွေ​ချေးခြင်းနှင့်အရပ်ထဲက​ငွေ​ချေးခြင်းအတူတူပင်ဖြစ်သည်ဟုမှတ်ထင်​နေကြ​သော​ကြောင့်ဖြစ်သည် ။

ဘဏ်မှ​ငွေ​ချေးခြင်းမှ အလွတ်​ချေးခြင်းမဟုတ်ဘဲ အာမခံပစ္စည်းဖြင့်​ငွေ​ချေးခြင်းဖြစ်ပါသည် ။ ဘဏ်ကအာမခံပစ္စည်းဖြင့်လက်ခံခြင်းကို ဥပ​ဒေစကားအရ "အ​ပေါင် "ဟု​ခေါ်သည် ။ 

ပစ္စည်းလွှဲ​ပြောင်း​ရေးအက်ဥပ​ဒေတွင် အ​ပေါင်အမျိုးမျိုးကို​ဖော်ပြထားသည် ။ ထိုအ​ပေါင်အမျိုးအစားများအနက်ဘဏ်ကလက်ရှိအ​ပေါင်ခံသည့်အမျိုးအစားမှာ " ပိုင်ဆိုင်မှု့စာရွက်စာတမ်းများ​ပေးအပ်​ပေါင်နှံခြင်း " ဖြစ်သည် ။

ထိုနည်းဖြင့်​ပေါင်နှံခြင်းအတွက် ကလစည်းကမ်းသတ်မှာကာလစည်းကမ်းသတ်အက်ဥပ​ဒေ ၊ ပထမဇယား ၊အပိုဒ်(၁၃၂)အရတွက်ချက်ရမည်ဖြစ်ပါသည် ။ အပိုဒ်(၁၃၂)အရ ကာလစည်းကမ်းသတ်ကာလမှာ ၁၂ နှစ်ဖြစ်ပါသည် ။

(  ကာလစည်းကမ်းသတ် အပိုဒ် ၁၃၂ အားလေ့လာဖတ်ရှု့ပါ။ )