အမိန့် ၁၇ နည်း ၁၄ အားကိုးအားထားပြုစာရွက်စာတမ်းဖြည့်ခြင်း

အမိန့် ၇ နည်း ၁၄ (၂ )

××××××××××××××××

အမိန့် ၇ နည်း ၁၄ ( ၂ )နဲ့ပတ်သက်တဲ့သ

တင်းထူးတစ်ခုကြားလိုက်ရလို့​ဖောက်သည်ချချင်လို့

ဒီစာကို​ရေးပါတယ် ။

အမိန်း၇ နည်း ၁၄(၂) ကဆိုလွှာမှာ အားကိုးအားထားပြု

တဲ့စာရွက်စာတမ်း​တွေကို ဆိုလွှာမှာဖြည့်ထည့်ရမယ်ဒါ

မှမဟုတ် စာရင်းတစ်ခုပြုလုပ်ပြီးပူးတွဲရမယ်လို့ပြဌာန်း

ထားပါတယ် ။ 

အမိန့် ၇ နည်း ၁၄ အ​ကြောင်း ၃ကြိမ်ထက်မနည်းယခင်

က​ရေးခဲ့ဘူးပါတယ် ။ ဘာ​ကြောင့်​ရေးဖြစ်လဲဆို​တော့

ယခု​နောက်ပိုင်း ​ရှေ့​နေအ​တော်များများက အားကိုးအား

ထားပြုတဲ့စာရွက်စာတမ်း​တွေကိုစာရင်းနဲ့မ​ဖော်ပြဘဲ

- အမှု့နှင့်သက်ဆိုင်​သောစာရွက်စာတမ်းများအားလုံး

- အမိန့် ၁၃ နည်း ၁ အရတင်ပြမည့်စာရွက်စာတမ်းများ

  ဆိုပြီး ​ဖော်ပြတဲ့အ​လွ့အထ အ​တော်​ခေတ်စား​နေပါတယ် ။

ဘယ်သူကဘယ်လိုစတင်လိုက်တယ်​တော့မသိဘူး ၊အဲဒီ

အသုံးကအ​တော်တွင်ကျယ်လာပါတယ် ။ အ​ဆိုအ​ချေ

နဲ့ပတ်သက်ပြီး​ရေးထားတဲ့စာအုပ်တအုပ်မှာ အဲဒီလို​ရေး

ထားတာလည်း​တွေ့မိပါတယ် ။  Junior ​တွေ အဲဒီလို

စာအုပ်​တွေဖတ်ပြီးမှားကြ​လေသလားလို့ထင်မိပါတယ်။ 

အမိန့် ၇ နည်း ၁၄ (၂ ) မူရင်းပြဌာန်းချက်မှာ Shall နဲ့

သုံးထားတဲ့အတွက် မဖြစ်မ​နေလိုက်နာရမယ့်ပြဌာန်း

ချက်ဖြစ်ပါတယ် ။ အကယ်၍ အားကိုးအားထားစာရင်း

မှာအ​သေးစိတ် စာရွက်စာတမ်း​တွေကိုမ​ဖော်ပြထားရင်

တရားရုံးရဲ့ခွင့်ပြုချက်မရရင် သက်​သေခံအဖြစ်တင်ပြ

ခွင့်မရပါဘူး ။ အမိန့် ၇ နည်း ၁၈ ကိုကြည့်ပါ ။

သတင်းထူးက ခုမှလာမှာပါ ။ နိဒါန်းချီ​နေတာနည်းနည်း

ရှည်သွားပါတယ် ။

တရားလွှတ်​တော်မှာစွဲဆိုတဲ့တရားမကြီးမှုတစ်မှု့မှာ

တရားလိုတင်သွင်းတဲ့ဆိုလွှာမှာ အားကိုးအားထားပြု

တဲ့စာရွက်စာတမ်းစာရင်းမ​ဖော်ပြဘဲ ၊​ခေတ်စား​နေတဲ့

အတိုင်း​ဖော်ပြထားပါ​လေ​ရော ။ တရားပြိုင်က​ချေလွှာ

တင်ပြီးတဲ့အခါ ​နောက်ရုံးချိန်းမှာ ရုံးငြင်းချက်ထုတ်ပါ

မယ် ။ အဲဒီ​နေ့မှာအမိန့် ၁၃ နည်း ၁ အရစာရွက်စာတမ်း

စာရင်းတင်ရပါမယ် ။ အမိန့် ၁၃ နည်း ၁ တင်တဲ့အခါ

အားကိုးအားထားမှာ​ဖော်ပြထားခြင်းမရှိတဲ့စာရွက်စာ

တမ်း​တွေကိုမထည့်ပါနဲ့  ဟုတခါတည်းမှာလိုက်ပါတယ်။

 

အမိန့်  ၁၃ နည်း ၁ မှာတင်ခွင့်မရရင် သက်​သေခံအဖြစ်

တင်လို့မရနိုင်​တော့ပါဘူး ။ အမိန့် ၁၃ နည်း ၂ နဲ့

​လျှောက်လို့ရ​ပေမယ် ။ ရုံး​တော်က​ကျေနပ်​လက်ခံနိုင်

တဲ့အ​ကြောင်းပြချက်ရှိရန်လိုပါလိမ့်မယ် ။ အမိန့် ၁၃

နည်း ၂ နဲ့​လျှောက်တိုင်းလည်းရချင်မှရတယ်ဆိုတာ

အများသိပြီးဖြစ်ပါတယ် ။  တရားလိုဘက်ကဆိုရင်

အမှု့အနိုင်ရဘို့အ​တော်ခက်သွားပြီလို့ဆိုရမှာဖြစ်ပါ

တယ် ။ ဒါ​ကြောင့် စာ​ရေးသူက အမိန့် ၇ နည်း၁၄ အ

​ကြောင်းခဏခန သတိ​ပေးခဲ့တာဖြစ်ပါတယ် ။

ဒီတရားလွှတ်​တော်တရားသူကြီးရဲ့​ဆောင်ရွက်မှု့ကို

စာ​ရေးသူက​တော့ Bravo ပါပဲ ။ အခြား အခြား​သော

တရားသူကြီး​တွေလည်း အလားတူ​ဆောင်ရွက်သင့်ကြ

ပါတယ် ။ ဥပ​ဒေ ကဒီလိုလုပ်ပါလို့ညွှန်ပြထားပါလျှက်

မလိုက်နာသူ​တွေအတွက်သင်္ခန်းစာကြီးကြီးရ​စေမှာ

​တော့မလွဲမ​သွေဖြစ်ပါတယ် ။

ကြုံတုန်းလက်စနဲ့​ပြောချင်တာ​နောက်တစ်ခုက​တော့

အမိန့် ၁၁ နည်း ၁၅ ဖြစ်ပါတယ် ။ တရားမကြီးမှု့​တွေ

ဆိုတာ တချို့စာရွက်စာတမ်း​တွေကိုလှို့ဝှက်ထားမယ်

ထိန်ချန်ထားမယ် ​နောက်မှ ရုတ်တရက်ထုတ်သုံးမယ်

ဆိုပြီးလုပ်လို့ရတာမဟုတ်ပါဘူး Open fight လုပ်ရ

တာမျိုးဆိုတာသိထားရန်လိုပါတယ် ။

တချို့​ရှေ့​နေ​တွေက အမိန့် ၁၁ နည်း ၁၅ အရ ပြသရ

မယ့်စာရွက်စာတမ်း​တွေပြဘို့ မိတ္တူကူးခွင့်​ပေးဘို့ကို

အ​ကြောင်းအမျိုးမျိုးနဲ့ငြင်းကြတာ​တွေလည်း​တွေ့ရ

ပါတယ် ။ ငြင်းသင့်တဲ့စာရွက်စာတမ်းဖြစ်လို့ငြင်းတာ

မျိုးကလက်ခံလို့ရ​ပေမယ့် ညစ်ကျယ်ကျယ်လုပ်ပြီး

ငြင်းတာမျိုး​တော့​ရှောင်သင့်ပါတယ် ။ အမိန့် ၁၁

နည်း ၁၅ ကိုလည်း​လျှော့မတွက်သင့်ကြပါ ။ သူကလည်း

ဒုက္ခ​ကောင်း​ကောင်း​ပေးနိုင်တယ်ဆိုတာသတိပြုကြ

ရန်လိုအပ်ပါတယ်ဆိုတဲ့အ​ကြောင်းတင်ပြလိုက်ရပါတယ်။